9 Fikiere ovie Izrẹl o te se oruiruo jọ evaọ ighẹ ovie na, ọ tẹ ta kẹe nọ: “Rehọ Maekaya ọmọzae Imlah ze vẹrẹ vẹrẹ.”+ 10 Whaọ ovie Izrẹl avọ Jehoshafat ovie Juda a ku iwu ovie họ keria ọvuọ agbara-uvie riẹ evaọ oria nọ a rẹ jọ si ibi no igbe ekakọ, onọ o jọ obọ unuẹthẹ Sameria, yọ eruẹaro na kpobi a be ruẹaro evaọ aro rai.+ 11 Kẹsena Zẹdikaya ọmọzae Kẹneana o te ru izei ayọno jọ kẹ omariẹ, ọ tẹ ta nọ: “Enẹ Jihova ọ ta, ‘Izei nana who ti ro duwu* ahwo Siria bẹsenọ who ti ro kpe ai muotọ.’” 12 Oghẹrẹ ovona eruẹaro edekọ na kpobi e jẹ ta, inọ: “Nya kpobọ Remọt-giliad, who ti fi kparobọ; Jihova ọ te rehọ iẹe họ obọ ovie na.”