29 “Mẹ tẹ ta kẹ owhai nọ, ‘Wha jọ iguegue e ruọ owhai oma ha, yọ wha dhozọ rai hi.+ 30 Jihova Ọghẹnẹ rai ọ te karo kẹ owhai yọ ọ te họre kẹ owhai,+ nwane wọhọ epanọ ọ jọ obọ Ijipti ru nọ wha rọ ibiaro rai ruẹ na.+

4 A tẹ wọ ze avọ egbaẹmo rai kpobi, ogbotu ahwo nọ a rrọ buobu wọhọ uwẹkpẹ nọ o rrọ akotọ abade, avọ enyenya gbe ekẹkẹ ẹmo buobu gbidi gbidi.

6 Jihova ọ tẹ ta kẹ Joshua nọ: “Jọ ozọ u mu owhẹ fiki rai hi,+ keme evaọ oke utionana odẹnotha, mẹ te rehọ aikpobi họ obọ ahwo Izrẹl re a kpe ai no. Who re wiri awọ enyenya rai hrọ,+ yọ whọ rẹ rehọ erae mahe ekẹkẹ rai hrọ.”

7 “Wha wo udu je kru oma ga. Jọ ozọ u mu owhai hi hayo wha guegue he fiki ovie Asiria+ avọ ogbotu ahwo kpobi nọ a rrọ kugbei, keme ahwo nọ a rrọ kugbe omai a bu vi enọ e rrọ kugbei.+ 8 Ugbobọ ohwo-akpọ gheghe o rrọ kugbei,* rekọ Jihova Ọghẹnẹ mai ọ rrọ kugbe omai re o fiobọhọ kẹ omai je fi emo mai kẹ omai.”+ Eme nọ Hẹzikaya ovie Juda ọ ta na e tẹ bọ ahwo na ga.+