24 te ai te erẹwho na kpobi a vẹ te ta nọ, ‘Fikieme Jihova o ro ru ẹkwotọ nana enẹ?+ Eme ọ wha ofu ọgaga nana ze?’ 25 Kẹsena a vẹ te ta nọ, ‘Fikinọ a nyasiọ ọvọ Jihova,+ Ọghẹnẹ esẹ-esẹ rai ba, onọ ọ re kugbe ae okenọ ọ rehọ ai no ẹkwotọ Ijipti ze.+

9 “Rọkẹ owhẹ, Solomọn ọmọzae mẹ, riẹ Ọghẹnẹ ọsẹ ra re whọ rọ udu ra kpobi+ gbe uzuazọ* evawere* gọe, keme Jihova ọ rẹ kiẹ udu kpobi riwi,+ yọ ọ rẹ riẹ ẹjiroro kpobi nọ o lẹliẹ ohwo wo oghẹrẹ iroro jọ.+ Otẹrọnọ whọ kiẹ gwọlọ iẹe, o ti ru re whọ ruẹ e riẹ,+ rekọ whọ tẹ nyasiọ iẹe ba, ọ te siọ owhẹ bẹdẹ bẹdẹ.+

2 Fikiere ọ tẹ nyabru Asa, ọ tẹ ta kẹe nọ: “O Asa avọ ahwo Juda gbe Bẹnjamin kpobi, wha gaviezọ kẹ omẹ! Jihova ọ te jọ kugbe owhai otẹrọnọ wha tẹ daji abọ riẹ;+ yọ otẹrọnọ wha tẹ kiẹ gwọlọ iẹe, o ti ru re wha ruẹ e riẹ,+ rekọ otẹrọnọ wha tẹ nyasiọ iẹe ba, ọ te nyasiọ owhai ba.+