8 Kẹsena Amazaya o te vi enyukọ bru Jehoash ọmọzae Jehoahaz, ọmọzae Jehu ovie Izrẹl, inọ: “Nyaze re ma họre ohwohwo evaọ ẹmo.”*+ 9 Jehoash ovie Izrẹl o te vi uwou nana se Amazaya ovie Juda, inọ: “Odhigbo obọ Lebanọn o vi uwou se ure sida obọ Lebanọn inọ, ‘Rehọ ọmọtẹ ra kẹ ọmọzae mẹ re ọ jọ aye riẹ.’ Rekọ arao ojihẹ Lebanọn jọ nọ ọ jẹ nyavrẹ, o te thihi odhigbo na nyaotọ. 10 Uzẹme, who fi Edọm kparobọ no,+ fikiere who te bi fu uke. Jọ oma o were owhẹ fiki oruaro ra na, rekọ daji obọ uwou* ra. Fikieme who re ro si okpẹtu ze re who kie, jẹ rọ ere ru Juda lele owhẹ kie?”