14 Hẹzikaya ọ tẹ rehọ ileta na no obọ enyukọ na, o te se ai. Kẹsena Hẹzikaya ọ tẹ nya kpobọ uwou Jihova, o te rovie ai* fihọ aro Jihova.+ 15 Hẹzikaya o te muhọ ẹlẹ+ evaọ aro Jihova, inọ: “O Jihova Ọghẹnẹ Izrẹl, ọnọ ọ keria agbara-uvie riẹ evaọ obehru* chẹrub na,+ whẹ ọvo họ Ọghẹnẹ uzẹme ọrọ ekwotọ-ivie kpobi nọ e rrọ otọakpọ na.+ Whẹ ọ ma idhiwu na gbe otọakpọ na.

11 Asa o te bo se Jihova Ọghẹnẹ riẹ,+ ọ ta nọ: “O Jihova, o rrọ ẹbẹbẹ kẹ owhẹ hẹ sọ ahwo nọ who bi fiobọhọ kẹ a rrọ buobu hayo a wo ogaga ha.+ Fiobọhọ kẹ omai, O Jihova Ọghẹnẹ mai, keme whẹ ma be rẹroso,*+ yọ odẹ ra ma rọ wọ bru ogbotu nana ze na.+ O Jihova, whẹ họ Ọghẹnẹ mai. Whọ kuvẹ re ohwo-akpọ gheghe o fi owhẹ kparobọ họ.”+