35 “‘Otẹrọnọ oniọvo ra nọ ọ be rria kẹle owhẹ o zihe ruọ oyogbe yọ ọ be sae rẹrote omariẹ hẹ, whọ rẹ rẹrotei hrọ+ wọhọ epanọ who re ru kẹ ọrara nọ ọ be rria udevie rai gbe ọnọ ọ rrọ ukane,+ re ọ ruẹse gbẹ jọ uzuazọ kugbe owhẹ.

7 “Otẹrọnọ oniọvo ra jọ o zihe ruọ oyogbe evaọ okpẹwho rai jọ evaọ ẹkwotọ nọ Jihova Ọghẹnẹ rai ọ be kẹ owhai na, who ru eva gaga hayo keke obọ kẹ oniọvo ra nọ ọ rrọ oyogbe he.*+ 8 Keme u fo nọ who re rovie obọ ra ru ọghọ kẹe+ jẹ daoma momo oware kpobi* nọ ọ gwọlọ hayo nọ o kare riẹ rọ kẹe.

8 Ẹme nọ o no obọ Jihova bru Jerimaya ze evaọ okenọ Zẹdikaya ovie na ọ re ọvọ kugbe ahwo kpobi nọ a rrọ Jerusalẹm re o woro obusino kẹ ae,+ 9 inọ ohwo kpobi o siobọno erigbo riẹ nọ e rrọ ahwo Hibru, te ọzae te aye, re ohwo ọvo ọ gbẹ rọ ibe ohwo Ju riẹ ru ọrigbo ho.