13 Okenọ ikporo-egba na avọ eso-ile na e nwani mu Jihova họ ejiri je bi yere iei evaọ unu ovo, yọ edo egba na, igogo na, gbe ekwakwa ikporakporo efa i bi do nọ a bi jiri Jihova na, yọ a be ta nọ, “keme ọ rrọ wowoma; uyoyou riẹ nọ o rẹ hiẹ hẹ o rẹ jọ bẹdẹ bẹdẹ,”+ ẹgho ọ tẹ vọ uwou na soso, uwou Jihova na.+

6 Yọ izerẹ na i dikihẹ ọvuọ oria iruo rai, ere ọvona ahwo Livae nọ a kru ekwakwa ikporakporo nọ a ro kporo ole kẹ Jihova+ a dikihẹ re. (Devidi ovie na o ru ekwakwa ikporakporo nana re a rehọ ae kẹ Jihova uyere—“keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ”—evaọ okenọ Devidi ọ tẹ be rehọ ae* jiri Ọghẹnẹ.) Izerẹ na i je kporo egba na do gaga+ evaọ aro rai, yọ ahwo Izrẹl na kpobi a dikihẹ.