4 Nọ ewegrẹ Juda gbe Bẹnjamin+ a yo nọ ahwo nọ a no igbo ze na+ a be bọ etẹmpol kẹ Jihova Ọghẹnẹ Izrẹl, 2 a tẹ nwane nyabru Zerubabẹl avọ enọ i wuzou inuwou abọ ọsẹ rai ababọ oke oraha, a tẹ ta kẹ ae nọ: “Joma lele owhai bọ; keme wọhọ owhai, ma be gọ* Ọghẹnẹ rai+ je bi dhe idhe kẹe anwọ edẹ Isa-hadọn+ ovie Asiria nọ ọ rehọ omai ziọ etenẹ.”+ 3 Rekọ Zerubabẹl gbe Jeshua avọ otu nọ o kiọkọ evaọ usu enọ i wuzou inuwou abọ ọsẹ rai evaọ Izrẹl a tẹ ta kẹ ae nọ: “Wha re lele omai bọ uwou kẹ Ọghẹnẹ mai hi,+ mai ọvo ma te bọ uwou kẹ Jihova Ọghẹnẹ Izrẹl, nwane wọhọ epanọ Sairọs ovie Pasia o jie uzi kẹ omai.”+