• Olezi 14:1-7
    Efafa Akpọ Ọkpokpọ ọrọ Ikereakere Efuafo Na

    • 14 Ohwo ogheghẹ na* ọ rẹ jọ udu riẹ ta nọ:

      “Jihova ọ rrọ họ.”+

      A bi ru eware imuomu, a bi ru eware etọtọ;

      Ohwo ọvuọvo nọ o bi ru ewoma ọ rrọ họ.+

       2 Rekọ Jihova o bi rri emọ ahwo no obọ odhiwu ze

      Re ọ ruẹ sọ ọjọ ọ riẹ nọ o wo ovuhumuo,* sọ ọjọ ọ riẹ nọ ọ be gwọlọ Jihova.+

       3 Aikpobi a nyathọ no;+

      Aikpobi a gbeku.

      Ohwo ọvuọvo nọ o bi ru ewoma ọ rrọ họ,

      Makọ omọvo dede.

       4 Kọ ọvuọvo evaọ usu ahwo nọ a bi ru oware uyoma na o wo otoriẹ?

      A be re ahwo mẹ wọhọ ẹsenọ a be re ebrẹdi.

      A bi se Jihova ha.

       5 Rekọ ozọ ogaga o te ruọ ae oma,+

      Keme Jihova ọ rrọ kugbe oge ahwo okiẹrẹe na.

       6 Whai ahwo nọ a bi ru oware uyoma wha be gwọlọ raha omaa oruori na,

      Rekọ Jihova họ oria adhẹzọ riẹ.+

       7 O, dodokọ esiwo Izrẹl o re no Zayọn ze!+

      Okenọ Jihova o te koko ahwo riẹ nọ a mu kpohọ igbo ze no,

      Jọ eva e were Jekọp, jọ Izrẹl ọ ghọghọ.