9 Kẹsena Jihova ọ tẹ nọ Keni nọ: “Oniọvo ra Ebẹle ọ rrọ?” ọ tẹ ta nọ: “Mẹ riẹ hẹ. Mẹ họ ọnọ ọ be rẹrote oniọvo mẹ?” 10 Ọghẹnẹ ọ tẹ ta nọ: “Kinọ eme who ru na? Gaviezọ! Azẹ oniọvo ra ọ be viẹ se omẹ no otọ na ze.+

5 U te no ere no, mẹ te nekpẹ azẹ uzuazọ* rai. Mẹ te nekpẹ mi omama kpobi nọ o rrọ uzuazọ; yọ mẹ te jọ obọ ohwo kpobi nekpẹ uzuazọ oniọvo riẹ.+

24 Jehu ọ tẹ tọlọ uze riẹ họ obọ, ọ tẹ sa udevie uke Jehoram, ose na o tẹ jọ udu riẹ lafi, o te kie evaọ akẹkẹ ẹmo riẹ.

26 ‘Jihova ọ ta nọ: “Nọ mẹ ruẹ azẹ Nebọt+ avọ azẹ emezae riẹ odẹnukpo na, me ti ru owhẹ kele+ evaọ ẹkẹ otọ nana,” ere Jihova ọ ta.’ Fikiere wọe re who gbolo iei fihọ ẹkẹ otọ na, wọhọ epaọ ẹme Jihova.”+

3 Evaọ uzẹme, Jihova họ ọnọ ọ ta nọ oware nana o via kẹ Juda, re o si ai no aro riẹ+ fiki izieraha Manasẹ kpobi nọ ọ raha,+ 4 jegbe azẹ ekueku nọ o kpe,+ keme o kpe azẹ ọhaha vọ Jerusalẹm, yọ o ruọ Jihova nọ ọ rẹ rọvrẹ hẹ.+

49 Oyejabọ nọ Ọghẹnẹ ọ rọ rehọ areghẹ riẹ ta re nọ: ‘Me ti vi eruẹaro gbe ikọ bru ai, yọ a ti kpe je kpokpo ejọ rai, 50 re azẹ eruẹaro kpobi nọ a kpe no emuhọ akpọ* na ze o ruẹse jọ uzou* oge nana,+ 51 no azẹ Ebẹle+ rite azẹ Zẹkaraya, ọnọ a kpe evaọ udevie agbada-idhe na avọ uwou* na.’+ Ẹhẹ, mẹ be ta kẹ owhai nọ, o te jọ uzou* oge nana.