11 A te mu ile họ ẹso be za kẹ ohwohwo+ ro jiri je yere Jihova, “keme ọ rrọ wowoma; uyoyou nọ o rẹ hiẹ hẹ nọ o wo kẹ Izrẹl o rẹ jọ bẹdẹ bẹdẹ.”+ Kẹsena ahwo na kpobi a tẹ koyẹ avọ edo ọgaga orọ ujiro kẹ Jihova keme a fi otọhotọ uwou Jihova họ no.

10 “Enẹ Jihova ọ ta: ‘Evaọ oria nana nọ wha te ta nọ yọ otọ nọ o raha no na, nọ uvumọ ohwo hayo arao ọ rrọ họ na, evaọ ikpewho Juda gbe evaọ iyẹrẹ Jerusalẹm nọ e rrọ ofofe na, nọ uvumọ ohwo ọ rrọ họ na hayo nọ uvumọ ohwo ọ be rria ha na hayo nọ uvumọ arao ọ rrọ họ na, a te wariẹ jarai yo 11 edo evawere gbe edo oghọghọ,+ koyehọ edo uvou ọva gbe uvou ọmọtibobo, uvou ahwo nọ a be ta nọ: “Wha yere Jihova olori egbaẹmo, keme Jihova ọ rrọ wowoma;+ uyoyou riẹ nọ o rẹ hiẹ hẹ o rẹ jọ bẹdẹ bẹdẹ!”’+

“‘A te rehọ ekẹ uyere-okẹ ziọ uwou Jihova,+ keme mẹ te rehọ ahwo ẹkwotọ na nọ a mu vrẹ na zihe ze, wọhọ epanọ o jọ evaọ obọ emuhọ,’ ere Jihova ọ ta.”