6 Ahwo Izrẹl a tẹ wariẹ mu oware nọ u yoma evaọ aro Jihova họ eru,+ a tẹ wariẹ mu edhọ Bale,+ emema Ashtorẹt, eghẹnẹ Eram,* eghẹnẹ Saedọn, eghẹnẹ Moab,+ eghẹnẹ ahwo Ammọn,+ gbe eghẹnẹ ahwo Filistia họ ẹgọ.+ A nyasiọ Jihova ba, a gbẹ jẹ gọe he. 7 Fikiere Jihova o te mu ofu gaga kẹ Izrẹl, ọ tẹ zẹ ae họ obọ ahwo Filistia gbe ahwo Ammọn.+ 8 A te je gboja kẹ ahwo Izrẹl je kienyẹ ai gaga evaọ ukpe yena—ikpe ikpegberee soso a kienyẹ ahwo Izrẹl nọ a jọ ofẹ Jọdan na, onọ o jọ ẹkwotọ ahwo Amọ evaọ Giliad.