• Jerimaya 25:31-33
    Efafa Akpọ Ọkpokpọ ọrọ Ikereakere Efuafo Na

    • 31 ‘Edo jọ o ti do ruọ oka avọ oka otọakpọ na,

      Keme Jihova o wo ẹme kugbe erẹwho na.

      Ọyomariẹ ọvo o ti bruoziẹ ahwo-akpọ* kpobi.+

      Yọ ọ te rehọ ahwo omuomu na kẹ ọgbọdọ,’ ere Jihova ọ ta.

      32 Enẹ Jihova olori egbaẹmo ọ ta:

      ‘Rri! Okpẹtu jọ ọ be vaha no orẹwho ruọ orẹwho,+

      Yọ a ti siobọno okpofou ọgaga no eria nọ e mai thabọ evaọ otọakpọ na ze.+

      33 “‘Yọ ahwo nọ Jihova o ti kpe evaọ ẹdẹ yena a te jọ no oka jọ evaọ otọakpọ na rite oka odekọ evaọ otọakpọ na. A ti weri ai hi, yọ a ti koko ai họ họ hayo ki ai hi. A te jọ wọhọ emaniọ evaọ otọ na.’