7 “Otẹrọnọ oniọvo ra jọ o zihe ruọ oyogbe evaọ okpẹwho rai jọ evaọ ẹkwotọ nọ Jihova Ọghẹnẹ rai ọ be kẹ owhai na, who ru eva gaga hayo keke obọ kẹ oniọvo ra nọ ọ rrọ oyogbe he.*+ 8 Keme u fo nọ who re rovie obọ ra ru ọghọ kẹe+ jẹ daoma momo oware kpobi* nọ ọ gwọlọ hayo nọ o kare riẹ rọ kẹe.

34 Yọ otẹrọnọ enọ wha rẹro nọ e te hwa zihe kẹ owhai wha re momo* kẹ, didi erere o re te owhai?+ Makọ erahaizi dede i re momo kẹ erahaizi re a ruẹse jọ obọrai wo wọhọ epanọ a kẹ rai. 35 Ukpoye, wha gbẹ hai you ewegrẹ rai, jẹ hai ru ewoma, jẹ hai momo kẹ ahwo ababọ irẹro inọ a te hwa zihe kẹ owhai;+ osohwa rai o te jọ ruaro, yọ wha te jọ emọ Ọnọ Ọ Mai Kpehru na, keme o bi ru ewoma kẹ enọ e kare uyere-ọghọ jẹ rrọ muomu.+

35 Me dhesẹ kẹ owhai evaọ eware kpobi inọ wha te bi ru iruo gaga epọvo na re,+ wha re fiobọhọ kẹ enọ e ga ha, wha ve je wo ẹme Olori na Jesu họ iroro, nọ ọyomariẹ ọ ta nọ: ‘Ẹkẹ evawere e mae rrọ+ vi emio.’”

16 Ofariẹ, jọ ewoma oruo gbe oware nọ wha wo nọ wha rẹ ghale kugbe amọfa o thọrọ owhai ẹro ho,+ keme idheidhe itieye e rẹ were Ọghẹnẹ ziezi.+