8 “Otẹrọnọ ẹdhọ jọ ọ riẹ nọ ọ ga hrọ kẹ owhai evaọ okpẹwho rai jọ, te ọ rrọ ẹdhọ ohwo nọ a kpe+ hayo ẹdhọ nọ a tu ohwo jọ, hayo ozighi jọ nọ a ru hayo eme edhọ efa jọ, wha rẹ kpama wha ve kpohọ oria nọ Jihova Ọghẹnẹ rai ọ salọ.+ 9 Wha nyabru izerẹ nọ e rrọ ahwo Livae na gbe ohwo nọ ọ rrọ obruoziẹ+ evaọ oke yena, wha vẹ nọ kpahe ẹme na, a vẹ ta oghẹrẹ nọ a re ru ei* kẹ owhai.+

8 Jehoshafat ọ tẹ jẹ jọ Jerusalẹm rehọ ahwo Livae jọ gbe izerẹ na jegbe ahwo jọ nọ a wuzou inuwou abọ ọsẹ evaọ Izrẹl mu re a jọ ibruoziẹ kẹ Jihova, re a je guẹdhọ ahwo nọ a be rria Jerusalẹm.+