25 Whaọ enẹna, O Jihova Ọghẹnẹ Izrẹl, ru eyaa nọ whọ ya kẹ odibo ra Devidi ọsẹ mẹ gba, onọ whọ ya nọ: ‘Ohwo nọ ọ rẹ keria agbara-uvie Izrẹl evaọ aro mẹ o ti no uyẹ ra vievie he otẹrọnọ emezae ra i te muẹrohọ oghẹrẹ nọ a bi yeri uzuazọ rai jẹ nya lele omẹ, nwane wọhọ epanọ whọ nya evaọ aro mẹ na.’+

Jihova olori egbaẹmo o ti ru onana avọ ajọwha.

20 “Enẹ Jihova ọ ta, ‘Otẹrọnọ wha sae raha ọvọ mẹ kpahe uvo gbe ọvọ mẹ kpahe aso, re uvo gbe aso e siọ oma ba ẹrọvia evaọ ẹruoke rai,+ 21 ẹsiẹe ọvo mẹ sae rọ raha ọvọ mẹ nọ mẹ re kugbe Devidi odibo mẹ,+ nọ o gbe ro wo ọmọzae nọ ọ rẹ jọ ovie nọ o re su evaọ agbara-uvie riẹ hẹ,+ yọ ere ọvona o rrọ re kpahe ọvọ mẹ nọ mẹ re kugbe izerẹ nọ e rrọ ahwo Livae na, egbodibo mẹ.+

27 Nọ Jesu o je no etẹe vrẹ, ezae ivẹ nọ i tuaro+ a te lele iei, bi bo nọ: “Jọ ohrọ mai o re owhẹ, Ọmọzae Devidi.”

69 Yọ ọ kẹ omai uzei esiwo*+ no evaọ uwou Devidi odibo riẹ,+

30 Fikinọ ọ jọ ọruẹaro ọ tẹ jẹ riẹ nọ Ọghẹnẹ ọ ya eyaa kẹe avọ iyei iduwu inọ ọ te rehọ ọmọ riẹ jọ* keria agbara-uvie riẹ,+ 31 ọ kparo ruẹ ẹkparomatha Kristi na jẹ ta ẹme kpahe iẹe, inọ a nyase iẹe ba Uki* hi, yọ ugboma riẹ u gbo ho.*+

22 Nọ Ọghẹnẹ o si ei no ovie no, ọ tẹ rehọ Devidi mu ovie kẹ ae,+ ọnọ o se isẹri kpahe nọ: ‘Mẹ ruẹ Devidi ọmọzae Jẹsi+ no, ọzae nọ o kiehọ udu mẹ;+ o ti ru eware kpobi nọ mẹ gwọlọ.’ 23 Wọhọ epanọ Ọghẹnẹ ọ ya eyaa, ọ kẹ Izrẹl osiwi no, Jesu, ọnọ o no oma ọmọ* ọzae nana ze.+