6 Jihova ọ tẹ ta nọ: “Rri! Ahwo ọvo a rrọ, yọ a be ta ẹvẹrẹ ọvo,+ who rri oware nọ a muhọ eru no! Whaọ oware ovo o riẹ hẹ nọ a ti wo họ iroro inọ a re ru nọ a te sai ru hu. 7 Nyaze! Joma+ kpobọ otọ re ma fi ozighi họ ẹvẹrẹ rai re a gbe yo ẹvẹrẹ ohwohwo ho.”

19 Josẹf ọ tẹ ta kẹ ae nọ: “Jọ ozọ u mu owhai hi. Kọ mẹ rrọ ẹta Ọghẹnẹ? 20 Dede nọ wha gwọlọ ru omẹ oware uyoma,+ Ọghẹnẹ o wo rie họ iroro nọ o re zihe iei ruọ oware uwoma re o siwi uzuazọ ahwo buobu, wọhọ epanọ o bi ru nẹnẹ na.+

30 Areghẹ, hayo orimuo, hayo ohrẹ* ovuovo o riẹ hẹ nọ o rẹ wọso Jihova.+

35 Ahwo kpobi nọ a be rria otọakpọ na a te oware ovo kẹe he, yọ oreva riẹ o re ru evaọ udevie ogbaẹmo obọ idhiwu na gbe ahwo nọ a be rria otọakpọ na. Ohwo ọvo ọ rrọ họ nọ ọ rẹ sae zae dhe*+ hayo ta kẹe nọ, ‘Kinọ eme who ru na?’+

38 Fikiere, epanọ eware na e rrọ na, mẹ be ta kẹ owhai nọ, wha dhomahọ ẹme ezae nana ha, rekọ wha vu ai wa. Keme otẹrọnọ obọ ahwo oye omaa hayo iruo nana i no ze, i ti kie; 39 rekọ otẹrọnọ obọ Ọghẹnẹ i no ze, wha te sae whaha ae he.+ O gbẹ rrọ ere he, wha te ruẹ nọ Ọghẹnẹ omariẹ wha be họre na.”+