28 Ahwo Izrẹl kpobi a te ti yo kpahe oziẹ nọ ovie na o bru na, a te wo adhẹẹ* kẹ ovie na gaga,+ keme a ruẹ nọ Ọghẹnẹ ọ kẹ riẹ areghẹ nọ o re ro bru uvioziẹ.+

29 Ọghẹnẹ ọ kẹ Solomọn areghẹ gbe orimuo nọ u wo umuo ho gbe udu nọ ọ rẹ rọ riẹ otọ eware buobu* wọhọ uwẹkpẹ nọ o rrọ akotọ abade.+ 30 Areghẹ Solomọn u vi areghẹ ahwo kpobi nọ a jọ obọ Ovatha-Ọre na, u te je vi ereghẹ Ijipti kpobi.+ 31 O wo areghẹ vi ọzae ọfa kpobi, o wo areghẹ vi Itan+ ohwo uyẹ Ẹzra na gbe Himan,+ Kalkọl,+ gbe Dada, emezae Mehọl; odẹ riẹ u te do ruọ erẹwho kpobi nọ e wariẹ e riẹ họ.+

10 Enẹna, kẹ omẹ areghẹ gbe eriariẹ+ nọ me re ro su ahwo nana,* keme ono ọ rẹ sai bruoziẹ ahwo ra nana nọ a rrọ buobu na?”+

11 Ọghẹnẹ ọ tẹ ta kẹ Solomọn nọ: “Fikinọ onana họ ẹgwọlọ udu ra na, yọ whọ yare ekwakwa-efe, efe, gbe orro hayo uwhu* ahwo nọ a bi mukpahe owhẹ hẹ na, whọ gbẹ jẹ yare uzuazọ uthethei hi* na, rekọ whọ tẹ yare areghẹ gbe eriariẹ nọ who re ro bruoziẹ ahwo mẹ nọ mẹ rehọ owhẹ mu ovie kẹ na,+ 12 mẹ te kẹ owhẹ areghẹ gbe eriariẹ; mẹ te jẹ kẹ owhẹ ekwakwa-efe gbe efe gbe orro, utionọ ovie ọvo nọ ọ kake rehọ owhẹ su no o wo ho, gbe onọ ovie ọvo nọ o ti su nọ u te no owhẹ no o ti wo ho.”+