23 A te ruẹ uye* kufiẹ hẹ,+

Hayo yẹ emọ nọ okpẹtu o re te oma ha,

Keme emọ* nọ Jihova ọ ghale no a rrọ,+

Avọ ahwo uyẹ rai nọ a rrọ kugbe ai.+

35 Enẹ Jihova ọ ta,

Ọnọ o fi ọre na họ re o kẹ elo evaọ uvo,

Je fi izi họ kẹ ọvẹre na gbe isi na re e kẹ elo evaọ aso,

Ọnọ ọ rẹ kiẹ abade na, u ve ru ẹkporo riẹ jọ gaga,

Ọnọ odẹ riẹ o rrọ Jihova olori egbaẹmo:+

36 “‘Otẹrọnọ o tẹ via ẹdẹ jọ nọ izi nana i gbe wo iruo ho,’ ere Jihova ọ ta,

‘Ẹsiẹe ọvo emọ Izrẹl e gbẹ te rọ jọ orẹwho ho evaọ aro mẹ ẹsikpobi.’”+