• Iziewariẹ 30:1-3
    Efafa Akpọ Ọkpokpọ ọrọ Ikereakere Efuafo Na

    • 30 “Nọ eware* nana kpobi e tẹ via kẹ owhai no, eghale gbe eka* nọ me fihọ aro rai na,+ wha jẹ kareghẹhọ ae*+ evaọ erẹwho kpobi nọ Jihova Ọghẹnẹ rai ọ vaha owhai kpohọ,+ 2 nọ wha jẹ rọ udu rai kpobi gbe uzuazọ* rai kpobi zihe bru Jihova Ọghẹnẹ rai+ jẹ gaviezọ kẹ urru riẹ evaọ eware kpobi nọ me bi jie uzi riẹ kẹ owhai nẹnẹ na, te owhai te emọ rai,+ 3 Jihova Ọghẹnẹ rai o ve ti zihe ahwo rai nọ a mu kpohọ igbo ze+ jẹ re ohrọ rai,+ ọ vẹ te wariẹ koko owhai họ no udevie ahwo kpobi nọ Jihova Ọghẹnẹ rai ọ vaha owhai fihọ ze.+

  • Aizaya 66:20
    Efafa Akpọ Ọkpokpọ ọrọ Ikereakere Efuafo Na

    • 20 A te rehọ enyenya, ekẹkẹ, ekẹkẹ nọ i wo uwou, isi, gbe ekamẹle nọ i re siawọ gaga rọ wọ inievo rai no erẹwho na kpobi ze+ kpobọ ugbehru ọrẹri mẹ, Jerusalẹm, rọ kẹ Jihova okẹ,” ere Jihova ọ ta, “nwane wọhọ epaọ okenọ ahwo Izrẹl a rẹ rehọ omodhe nọ ọ fo wọ ekẹ rai ziọ uwou Jihova.”