4 Ofariẹ, eme me ro ru owhai thọ,

O Taya gbe Saedọn gbe ibrotọ Filistia kpobi?

Otẹrọnọ wha bi ru omẹ kele,

Me ti zihe orukele rai na ziọ uzou rai vẹrẹ vẹrẹ.+

 6 Enẹ Jihova ọ ta,

‘“Fiki iruthọ esa Gaza,+ ẹhẹ fiki ene, me ti nwene iei hi,

Keme a mu ogbotu ahwo+ no ẹwho rai re a rehọ ae kẹ Edọm.

 7 Fikiere me ti vi erae ruọ ugbẹhẹ Gaza,+

Yọ e te mahe iwou ikpehru riẹ nọ e rẹ bẹ ẹvẹruọ.

 8 Mẹ te raha ahwo nọ a be rria Ashdọd,+

Gbe ọnọ o bi su* Ashkelọn;+

Mẹ te wọso Ekrọn,+

Yọ ahwo nọ a kiọkọ evaọ Filistia a ti whu,”+ ere Jihova Olori nọ Ọ Mai Kpehru na ọ ta.’

 4 Keme Gaza o ti zihe ruọ okpẹwho nọ a dhẹ seba no;

Yọ Ashkelọn ọ te jọ ofofe.+

A ti le Ashdọd vrẹ evaọ uvo kekeke,

Yọ a ti vi Ekrọn no otọ.+

 5 Ashkelọn ọ te ruẹ e riẹ, ozọ u ve ti mu ei;

Edada egaga e te jọ Gaza oma,

Ere o te jọ kẹ Ekrọn re, keme a kpomovuọ họ ẹruore riẹ oma no.

Ovie ọ gbẹ te jọ Gaza ha,

Yọ a gbẹ te rria Ashkelọn ho.+