5 “Zihe re whọ ta kẹ Hẹzikaya osu ahwo mẹ nọ, ‘Enẹ Jihova Ọghẹnẹ Devidi ọsẹ-esẹ ra ọ ta: “Me yo olẹ ra no. Mẹ ruẹ irui-oviẹ ra no.+ Rri, me bi siwi ẹyao ra na.+ Who ti kpobọ uwou Jihova evaọ ẹdẹ avọ esa.+

12 Evaọ oke yena, ovie Babilọn nọ a re se Birodak-baladan ọmọzae Baladan, o vi ileta gbe okẹ se Hẹzikaya, keme o yo nọ Hẹzikaya ọ jẹ mọ.+ 13 Hẹzikaya o dede i rai rehọ* je dhesẹ uwou ekwakwa-aghae riẹ kpobi kẹ ae+—isiliva, igoru, ewhri balsam gbe iwhri eghaghae efa, ekwakwa ẹmo riẹ, gbe oware kpobi nọ o jọ eria ekwakwa-aghae riẹ. Oware ovo o riẹ hẹ nọ Hẹzikaya o dhesẹ kẹ ae he evaọ uwou* obọriẹ gbe evaọ otọ esuo riẹ kpobi.