-
Aizaya 2:2, 3Efafa Akpọ Ọkpokpọ ọrọ Ikereakere Efuafo Na
-
-
A ti ru ugbehru uwou Jihova
Dikihẹ gaga evaọ obọ ehru igbehru na,+
A te kpare iẹe kpehru vi ikpehru na,
Yọ erẹwho na kpobi i ti zurie kpohọ iẹe.+
3 Ahwo buobu a te nya, a vẹ ta nọ:
“Wha nyaze re ma kpobọ ugbehru Jihova,
Obọ uwou Ọghẹnẹ Jekọp.+
O ti wuhrẹ omai kpahe idhere riẹ,
Yọ ma te nya evaọ idhere riẹ.”+
-
-
Aizaya 56:6, 7Efafa Akpọ Ọkpokpọ ọrọ Ikereakere Efuafo Na
-
-
6 Rọ kpahe ahwo erẹwho efa nọ i ku omarai kugbe Jihova re a gbodibo kẹe,
Re a you odẹ Jihova+
Jẹ jọ idibo riẹ,
Ahwo kpobi nọ a bi koko Ẹdijala na nọ a bi zue ei hi,
Enọ i bi kru ọvọ mẹ gaga,
7 Mẹ te rehọ ae ziọ ugbehru ọrẹri mẹ+ re
Je ru ai ghọghọ evaọ obeva uwou olẹ mẹ.
Mẹ te jẹ idhe emahọ rai gbe oghẹrẹ idhe efa nọ a ti dhe evaọ ehru agbada-idhe mẹ rehọ.
Keme a re ti se uwou mẹ uwou olẹ rọkẹ ahwo na kpobi.”+
-
-
Maeka 4:1, 2Efafa Akpọ Ọkpokpọ ọrọ Ikereakere Efuafo Na
-
-
A ti ru ugbehru uwou Jihova+
Dikihẹ gaga evaọ obọ ehru igbehru na,
A te kpare iẹe kpehru vi ikpehru na,
Yọ ahwo a ti zurie kpohọ iẹe.+
2 Erẹwho buobu e te nya, a vẹ ta nọ:
“Wha nyaze re ma kpobọ ugbehru Jihova
Je kpobọ uwou Ọghẹnẹ Jekọp.+
O ti wuhrẹ omai kpahe idhere riẹ,
Yọ ma te nya evaọ idhere riẹ.”
Keme uzi* u ti no Zayọn ze,
Ẹme Jihova o ve ti no Jerusalẹm ze.
-
-
Zẹkaraya 8:22, 23Efafa Akpọ Ọkpokpọ ọrọ Ikereakere Efuafo Na
-
-
22 Ahwo buobu gbe erẹwho egaga e te nyaze te gwọlọ Jihova olori egbaẹmo evaọ Jerusalẹm,+ re a jẹ lẹ Jihova inọ o wo aruoriwo kẹ ae.’*
23 “Enẹ Jihova olori egbaẹmo ọ ta, ‘Evaọ edẹ yena ezae ikpe evaọ evẹrẹ erẹwho na kpobi+ a rẹ te jabọ kru, ẹhẹ, a te zaza abọ mu ewu othethei* ohwo Ju,* yọ a be ta nọ: “Ma gwọlọ lele owhai,+ keme ma yo nọ Ọghẹnẹ ọ rrọ kugbe owhai.”’”+
-