30 “Nọ eware* nana kpobi e tẹ via kẹ owhai no, eghale gbe eka* nọ me fihọ aro rai na,+ wha jẹ kareghẹhọ ae*+ evaọ erẹwho kpobi nọ Jihova Ọghẹnẹ rai ọ vaha owhai kpohọ,+ 2 nọ wha jẹ rọ udu rai kpobi gbe uzuazọ* rai kpobi zihe bru Jihova Ọghẹnẹ rai+ jẹ gaviezọ kẹ urru riẹ evaọ eware kpobi nọ me bi jie uzi riẹ kẹ owhai nẹnẹ na, te owhai te emọ rai,+ 3 Jihova Ọghẹnẹ rai o ve ti zihe ahwo rai nọ a mu kpohọ igbo ze+ jẹ re ohrọ rai,+ ọ vẹ te wariẹ koko owhai họ no udevie ahwo kpobi nọ Jihova Ọghẹnẹ rai ọ vaha owhai fihọ ze.+

18 “Evaọ edẹ yena, uwou Juda avọ uwou Izrẹl a te nya usu ovo,+ yọ a ti kuomagbe nya no obọ ẹkwotọ ẹkpẹlobọ ovatha-ọre ziọ ẹkwotọ nọ mẹ rọ kẹ esẹ-esẹ rai re a rọ reuku na.+

6 Me ti fi ẹro mẹ họ ae rọkẹ ewoma rai, me ve ti ru ai zihe ziọ ẹkwotọ nana.+ Mẹ te bọ ai dikihẹ, yọ me ti kporo ai kuotọ họ; mẹ te kọ ae, yọ me ti vi ai no otọ họ.+

3 Keme “rri! edẹ e be tha,” ere Jihova ọ ta, “nọ me ti ro koko enọ a mu evaọ udevie ahwo mẹ, Izrẹl avọ Juda họ,”+ ere Jihova ọ ta, “mẹ vẹ te rehọ ae zihe ziọ ẹkwotọ nọ mẹ rọ kẹ esẹ-esẹ rai na, a vẹ te wariẹ woi.”’”+

37 ‘Rri, me ti koko ai họ no ekwotọ kpobi nọ mẹ vaha e rai kpohọ fiki evedha mẹ, ofu mẹ, gbe ofu ọgaga mẹ ze,+ yọ mẹ te rehọ ai zihe ziọ oria nana je ru ai rria avọ omofọwẹ.+