33 “Nọ ọwegrẹ o te fi ahwo ra Izrẹl kparobọ fikinọ a ruabọhọ jẹ raha uzi ra,+ nọ a je zihe bru owhẹ ze jẹ kẹ odẹ ra orro+ jẹ jọ uwou nana lẹ owhẹ nọ who wo aruoriwo kẹ ae,+ 34 ajọ who yo evaọ obọ idhiwu na re whọ rehọ uzioraha ahwo ra Izrẹl rọvrẹ rai, whọ vẹ rehọ ai zihe ziọ ẹkwotọ nọ whọ rọ kẹ esẹ-esẹ rai na.+

3 Enẹ Jihova olori egbaẹmo, Ọghẹnẹ Izrẹl ọ ta: “Wha nwene idhere rai gbe iruẹru rai, mẹ vẹ te kẹ owhai uvẹ re wha gbẹ rria oria nana.+

3 Ẹsejọhọ a te gaviezọ, omomọvo o ve ti kurẹriẹ no edhere omuomu riẹ, me ve ti nwene iroro mẹ* kpahe okpẹtu nọ mẹ jiroro nọ me re ro te ai na fiki iruẹru imuomu rai.+

21 “‘Whaọ otẹrọnọ ohwo omuomu o kurẹriẹ no izieraha kpobi nọ ọ raha no, o je bi koko ijaje mẹ je bi ru oware nọ o gba je kiẹrẹe, ọ te gbẹ jọ uzuazọ hrọ. O ti whu hu.+

5 Ahwo Nanivi a te fi ẹrọwọ họ Ọghẹnẹ,+ a te whowho nọ a siọ emuọriọ ba, a te ku ehọ-ekpa* họ, no ọnọ ọ mae rro rite ọnọ ọ mae kawo.

10 Nọ Ọghẹnẹ uzẹme na ọ ruẹ oware nọ a ru, oghẹrẹ nọ a ro kurẹriẹ no idhere imuomu rai,+ ọ tẹ wariẹ roro kpahe ọraha nọ ọ ta nọ ọ te raha ai na,* ọ gbẹ raha ae he.+