3 Evaọ uzẹme, Jihova họ ọnọ ọ ta nọ oware nana o via kẹ Juda, re o si ai no aro riẹ+ fiki izieraha Manasẹ kpobi nọ ọ raha,+ 4 jegbe azẹ ekueku nọ o kpe,+ keme o kpe azẹ ọhaha vọ Jerusalẹm, yọ o ruọ Jihova nọ ọ rẹ rọvrẹ hẹ.+

6 otẹrọnọ wha gbe bi kienyẹ erara nọ e be rria udevie rai hi, emọ nọ i wo esẹgbini hi,* gbe eyae-uku hu;+ otẹrọnọ wha gbe bi kpe azẹ ekueku evaọ oria nana ha; yọ otẹrọnọ wha gbe bi lele eghẹnẹ efa ha, onọ o rẹ wha enwoma se owhai;+ 7 ẹsiẹe mẹ te kẹ owhai uvẹ re wha gbẹ rria oria nana, evaọ ẹkwotọ nọ mẹ rọ kẹ esẹ-esẹ rai re a rria evaọ oke kpobi na.”’”*