13 Jihova ọ jẹ rehọ ẹkwoma eruẹaro riẹ kpobi gbe eruẹ-ude kpobi vẹvẹ Izrẹl gbe Juda unu,+ inọ: “Wha kuomarẹriẹ no idhere imuomu rai!+ Wha koko ijaje mẹ gbe izi mẹ, koyehọ izi kpobi nọ me jie kẹ esẹ-esẹ rai gbe enọ mẹ rehọ ẹkwoma idibo mẹ eruẹaro na vuẹ owhai.”

11 “Enẹna, ivie ta kẹ ezae Juda gbe ahwo nọ a be rria Jerusalẹm nọ, ‘Enẹ Jihova ọ ta: “Rri, mẹ be ruẹrẹ* okpẹtu jọ kpahe jẹ be jiroro oware jọ nọ me ti ru owhai. Ivie, wha kuomarẹriẹ no idhere iyoma rai, re wha nwene idhere rai gbe iruẹru rai.”’”+

15 Yọ mẹ ruabọhọ je vi idibo mẹ kpobi eruẹaro na se owhai, me je dhe ai evievi,*+ be ta nọ, ‘Ivie, whai omomọvo o kurẹriẹ no idhere imuomu riẹ+ re wha ru oware nọ u kiehọ! Wha du nya lele eghẹnẹ efa hayo gọ ae he. Ẹsiẹe wha te gbẹ rọ rria ẹkwotọ nọ mẹ kẹ owhai avọ esẹ-esẹ rai na.’+ Rekọ wha fi ezọ rai hotọ họ hayo gaviezọ kẹ omẹ hẹ.

30 “‘Fikiere, me ti bruoziẹ omomọvo rai wọhọ epanọ idhere riẹ e rrọ,+ O uwou Izrẹl,’ ere Jihova Olori nọ Ọ Mai Kpehru na ọ ta. ‘Wha kurẹriẹ, ẹhẹ, wha kurẹriẹ no izieraha rai kpobi no riẹriẹriẹ, re e gbẹ jọ utho ezoruẹ nọ u re ru owhai reabe he.

11 Ta kẹ ae nọ, ‘“Nọ mẹ rrọ uzuazọ na,” ere Jihova Olori nọ Ọ Mai Kpehru na ọ ta, “uwhu ohwo omuomu o rẹ were omẹ hẹ,+ ukpoye, oware nọ o rẹ were omẹ họ re ohwo omuomu o nwene edhere riẹ,+ ọ vẹ gbẹ jọ uzuazọ.+ Wha kurẹriẹ, wha kurẹriẹ no idhere iyoma rai,+ fikieme wha re ro whu, O uwou Izrẹl?”’+