15 Jihova Ọghẹnẹ esẹ-esẹ rai ọ ruabọhọ jẹ vẹvẹ ae unu ẹkwoma enyukọ riẹ, o je dhe unuovẹvẹ na ẹwẹwariẹ, keme ohrọ ahwo riẹ gbe oria nọ ọ be rria o jẹ re iẹe. 16 Rekọ a tẹ jẹ rehọ enyukọ Ọghẹnẹ uzẹme na jijehwẹ,+ a tẹ jẹ eme riẹ kufiẹ+ je se eruẹaro riẹ ẹkoko,+ bẹsenọ a rọ vrẹ enọ a re siwi no, ofu ọgaga Jihova o te bru ahwo riẹ ze.+

33 Who kiẹrẹe evaọ eware kpobi nọ e via kẹ omai na, keme who ru eme ra gba; rekọ mai họ enọ i ru umuomu.+

7 O Jihova whẹ họ ọnọ o kiẹrẹe, rekọ oma o be vuọ omai* wọhọ epanọ o rrọ nẹnẹ na, te ezae Juda, ahwo nọ a be rria Jerusalẹm, gbe Izrẹl soso, enọ e rrọ ekẹloma gbe ugbothabọ, evaọ ekwotọ kpobi nọ whọ vaha e rai kpohọ fikinọ a raha uzi ra.+

16 O Jihova, wọhọ epaọ iruẹru ikiẹrẹe ra kpobi,+ ivie, jọ evedha gbe ofu ra e rẹriẹ siọ Jerusalẹm okpẹwho ra ba, ugbehru ọrẹri ra na; keme fiki izieraha mai gbe oruthọ esẹ-esẹ mai, Jerusalẹm avọ ahwo ra a tẹ rrọ oware ekela rọkẹ ahwo nọ a wariẹ omai họ kpobi.+