8 Evaọ ukpe avọ ivẹ nọ a nyaze uwou Ọghẹnẹ uzẹme na evaọ Jerusalẹm no, evaọ amara avọ ivẹ, Zerubabẹl ọmọzae Shealtiẹl, Jeshua ọmọzae Jehozadak gbe inievo rai nọ i kiọkọ, izerẹ na gbe ahwo Livae, gbe ahwo kpobi nọ a no igbo na ziọ Jerusalẹm+ a te mu iruo na họ; a rọ ahwo Livae nọ e rrọ umuo ikpe udhe kpohọ ehru mu re a jọ enọ e rẹ rẹrote iruo uwou Jihova na.

10 Nọ ebebabọ na a fi otọhotọ etẹmpol Jihova họ,+ izerẹ na avọ iwu izerẹ rai nọ a ku họ, avọ egba,+ te ahwo Livae, emezae Esaf, avọ igogo, a te dikihẹ re a jiri Jihova lele ọruẹrẹfihotọ nọ Devidi ovie Izrẹl o fihọ.+

14 Ofariẹ, ekwakwa igoru gbe isiliva erọ uwou Ọghẹnẹ nọ Nebukadneza ọ rehọ no etẹmpol Jerusalẹm ze kpohọ etẹmpol Babilọn, Sairọs ovie na ọ rehọ e rai no etẹmpol Babilọn ze.+ A tẹ rehọ ae kẹ ọzae nọ a re se Shẹshbaza,*+ nọ Sairọs o ro mu ọba.+

16 Kẹsena Shẹshbaza nana ọ tẹ nyaze, o te fi otọhotọ uwou Ọghẹnẹ+ nọ o rrọ Jerusalẹm họ; yọ anwọ oke yena ze a be rọ bọe rite enẹna, rekọ a re bọe re no ho.’+