8 “Nọ oti* ọ tẹ romavia, wha yọroma gaga re wha ru lele oware kpobi nọ izerẹ nọ e rrọ ahwo Livae na a te ta kẹ owhai.+ Wha romatotọ ru epanọ me jie uzi riẹ kẹ ae na dẹẹ.

3 Evaọ oke lelehie* Izrẹl ọ jọ ababọ Ọghẹnẹ uzẹme na, ababọ ozerẹ nọ o re wuhrẹ ahwo, gbe ababọ uzi.+

7 Yọ Jeshua, Benae, Shẹrẹbaya,+ Jemin, Akọb, Shabẹtae, Hodaya, Measaya, Kẹlaeta, Azaraya, Jozebad,+ Henan, gbe Pẹleya, enọ e jọ ahwo Livae, a jẹ fa otọ Uzi na kẹ ahwo na,+ yọ ahwo na a gbe dikihẹ. 8 A tẹ ruabọhọ je se no obe na ze do via, ro no Uzi Ọghẹnẹ uzẹme na ze, bi ru ei vẹ ziezi jẹ fa otọ riẹ; a tẹ rọ ere fiobọhọ kẹ ahwo na wo otoriẹ eware nọ a je se na.*+

23 “‘A re wuhrẹ ahwo mẹ ohẹriẹ nọ o rrọ oware ọrẹri avọ oware gheghe; a ve je wuhrẹ ai ohẹriẹ nọ o rrọ oware nọ o fo ho avọ oware nọ o fo.+ 24 A rẹ jọ ibruoziẹ evaọ oke ẹdhoguo;+ yọ o gba rai họ nọ a re bruoziẹ na rọwokugbe izi oziẹobro mẹ.+ A re koko izi mẹ gbe ijaje mẹ kpahe ehaa mẹ kpobi,+ a ve je ru edijala mẹ fo.