3 Evaọ edẹ yena, Jọn+ Ọhọahwo-Ame na o te mu ovuẹ họ ewhowho+ evaọ udhude Judia, 2 inọ: “Wha kurẹriẹ, keme Uvie odhiwu o kẹle no.”+ 3 Evaọ uzẹme, ọnana họ ọnọ a rehọ Aizaya ọruẹaro na+ ta eme nana kpahe inọ: “Uvou ohwo jọ o be jọ obọ udhude na woro nọ: ‘Wha ruẹrẹ edhere Jihova* kpahe! Wha ru idhere riẹ liọ.’”+

7 Nọ ahwo na a ruọ edhere no, Jesu o te mu ogbotu na họ ẹta kẹ kpahe Jọn nọ: “Eme wha kpobọ udhude nyai rri?+ Ukpoko* nọ ofou o bi fou?+

10 Ọnana họ ọnọ a kere kpahe nọ: ‘Rri! Me bi vi ọnyukọ mẹ karo kẹ owhẹ,* ọnọ ọ te ruẹrẹ edhere ra họ re whọ tẹ nyaze!’+

2 Nwane wọhọ epanọ a kere fihọ obe Aizaya ọruẹaro na inọ: “(Rri! Me bi vi ọnyukọ mẹ karo kẹ owhẹ,* ọnọ ọ te ruẹrẹ edhere ra họ.)+ 3 Uvou ohwo jọ o be jọ obọ udhude na woro nọ: ‘Wha ruẹrẹ edhere Jihova* kpahe! Wha ru idhere riẹ liọ.’”+ 4 Jọn Ọhọahwo-Ame na ọ jọ obọ udhude je whowho kpahe ame-ọhọ nọ o rrọ oka ekurẹriẹ rọkẹ erọvrẹ izieraha.+

76 Rekọ rọkẹ owhẹ, ọmọ mẹ, a ti se owhẹ ọruẹaro Ọnọ Ọ Mai Kpehru na, keme whọ te karo kẹ Jihova* re whọ ruẹrẹ idhere riẹ họ,+

6 Ọzae jọ ọ jariẹ, ọnọ a vi ze re o dikihẹ kẹ Ọghẹnẹ; odẹ riẹ Jọn.+

23 Ọ tẹ ta nọ: “Mẹ yọ uvou ohwo jọ nọ ọ be jọ obọ udhude na woro nọ, ‘Wha ru edhere Jihova* liọ,’+ nwane wọhọ epanọ Aizaya ọruẹaro na ọ ta.”+

28 Wha rẹ sai se isẹri kẹ omẹ inọ mẹ ta nọ, ‘Mẹ họ Kristi na ha,+ rekọ a vi omẹ karo kẹ ọyena.’+