7 Whai eviẹwẹ, Aizaya ọ ta gba nọ ọ ruẹaro kpahe owhai nọ:+ 8 ‘Igbenu rai ahwo nana a be rọ kẹ omẹ ọghọ, rekọ udu rai u thabọ no omẹ gaga. 9 A be gọ omẹ kufiẹ gheghe, keme ijaje ahwo a bi ro wuhrẹ.’”+

23 “Uye u te owhai, whai otu ikere-obe gbe otu Farisi, eviẹwẹ na! keme wha rẹ kẹ abọvo abakpe ọrọ mint gbe dil gbe kumin,*+ rekọ wha gbabọkẹ eware nọ e mai wuzou evaọ Uzi na no, koyehọ, uvioziẹ+ gbe ohrọ+ gbe ọtẹruo. U fo re a ru eware nana, rekọ orọnọ a re gbabọkẹ eware edekọ na ha.+

42 Rekọ uye u te owhai otu Farisi, keme wha rẹ kẹ abọvo abakpe ọrọ mint gbe olugbo gbe oghẹrẹ ẹbe ọfa kpobi nọ a rẹ re,+ rekọ wha bi gbabọkẹ uvioziẹ gbe uyoyou Ọghẹnẹ! O gba owhai họ nọ wha re ru eware nana, rekọ orọnọ wha re gbabọkẹ eware edekọ na ha.+