37 Whaọ, ofou ọwhibo ọgaga o te muhọ efou, ẹkporo o te bi kporo ame ruọ okọ na, te epanọ okọ na o rọ kẹle ezue.+ 38 Rekọ ọ jọ obọ emuokọ, rọ uzou kpahe othuzou be wezẹ. Fikiere a tẹ rọwo iẹe no owezẹ ze, a tẹ ta kẹe nọ: “Owuhrẹ, kọ whọ be daezọ nọ ewhu ma rrọ na?” 39 Fikiere ọ tẹ kpama, ọ tẹ whọku ofou na jẹ ta kẹ abade na nọ: “Seba! Fọ!”+ Ofou na o te serihọ, oria kpobi o tẹ fọ rirẹ. 40 Ọ tẹ ta kẹ ae nọ: “Fikieme ozọ u bi ro mu owhai* ga tere? Kọ wha ri wo ẹrọwọ ọvo ghele?” 41 Rekọ ozọ u te mu ai thesiwa, a tẹ ta kẹ ohwohwo nọ: “Oghẹrẹ ohwo vẹ ọna? Makọ ofou gbe abade dede i bi yoẹme kẹe.”+

23 Rekọ epanọ a je ro bi vrẹ na, ọ tẹ wezẹ no. Ofou ọwhibo ọgaga o te muhọ efou evaọ awa na, ame o te bi kporo ruọ okọ na, te epanọ o rọ kẹle ezue.+ 24 Fikiere a tẹ nyae rọwo iẹe no owezẹ ze, be ta nọ: “Owuhrẹ, Owuhrẹ, ewhu ma rrọ na!” Fikiere ọ tẹ kpama, ọ tẹ whọku ofou gbe ẹkporo na, i te serihọ, oria kpobi o tẹ fọ rirẹ.+ 25 Kẹsena ọ tẹ nọ ae nọ: “Kọ ẹrọwọ rai ọ rrọ?” Rekọ ozọ u te mu ai gaga, akpọ o te gbe ai unu, a tẹ be ta kẹ ohwohwo nọ: “Oghẹrẹ ohwo vẹ ọna? Keme ọ rẹ ta ẹme kẹ ofou gbe ame na dede, i ve yoẹme kẹe.”+