28 “Enẹna, wha wuhrẹ ọtadhesẹ nana no ure ifigi ze: Nọ egha eboba riẹ e tẹ nwane whẹ ebe họ no, yọ wha riẹ nọ ezi ivo ọ kẹle no.+ 29 Ere owhai re, okenọ wha te ruẹ eware nana nọ e be via, wha riẹ nọ ọ kẹle no, ọ rrọ inuethẹ na.+ 30 Uzẹme mẹ be ta kẹ owhai inọ oge ọnana ọ te vrẹ vievie he bẹsenọ eware nana kpobi e rẹ via no.+ 31 Odhiwu gbe otọakpọ e te vrẹ,+ rekọ eme mẹ e te vrẹ vievie he.+

29 Fikiere ọ tẹ rehọ ọtadhesẹ jọ ta ẹme kẹ ae, inọ: “Wha muẹrohọ ure ifigi gbe ire edekọ na kpobi.+ 30 Nọ e tẹ be whẹ ebe họ, wha rẹ ruẹ e riẹ kẹ omarai jẹ riẹ nọ ezi ivo ọ kẹle no. 31 Epọvo na re, nọ wha tẹ ruẹ eware nana nọ e be via, wha riẹ nọ Uvie Ọghẹnẹ o kẹle no. 32 Uzẹme mẹ be ta kẹ owhai inọ oge ọnana ọ te vrẹ vievie he bẹsenọ eware kpobi e rẹ via no.+ 33 Odhiwu gbe otọakpọ e te vrẹ, rekọ eme mẹ e te vrẹ vievie he.+