32 A tẹ ziọ oria nọ a re se Gẹtsemane, ọ tẹ ta kẹ ilele riẹ nọ: “Wha keria etenẹ, mẹ be nyae lẹ.”+ 33 Ọ tẹ rehọ Pita, Jemis, gbe Jọn kugbe oma,+ idhọvẹ egaga e tẹ jariẹ oma, yọ ọ be rova gaga. 34 Ọ tẹ ta kẹ ae nọ: “Uweri o da omẹ oma* fia,+ enwenọ uwhu dede. Wha jọ etenẹ re wha ruabọhọ erou.”*+ 35 Nọ ọ nya họ obaro omojọ, o te kigwẹ totọ, o te muhọ ẹlẹ inọ otẹrọnọ o rẹ lọhọ, jọ auwa na ọ vrẹ riẹ. 36 Ọ tẹ ta nọ: “Abba,* Ọsẹ,+ whọ rẹ sai ru eware kpobi; si egho nana no omẹ uzou. Ghele na, orọnikọ epaọ oware nọ mẹ gwọlọ họ, rekọ onọ whọ gwọlọ.”+

40 Nọ a te etẹe, ọ tẹ ta kẹ ae nọ: “Wha hae lẹ re wha siọ odawọ ba ekie ruọ.”+