45 Fikiere Jesu ọ tẹ nọ nọ: “Ono ọ rọ obọ te omẹ na?” Nọ uvumọ ohwo ọ ta nọ ọye he, Pita ọ tẹ ta nọ: “Owuhrẹ, ogbotu ahwo na a wariẹ owhẹ họ je bi tunyẹ owhẹ.”+ 46 Rekọ Jesu ọ tẹ ta nọ: “Ohwo jọ ọ rọ obọ te omẹ, keme mẹ riẹ nọ ogaga+ u no omẹ oma.” 47 Nọ aye na ọ ruẹ nọ Jesu ọ riẹ oware nọ o ru na, ọ tẹ roma lahwe kigwẹ fihọ aro riẹ bi nuhu, ọ tẹ jọ iraro ahwo na kpobi gbiku oware nọ o lẹliẹ e riẹ rọ obọ tei gbe epanọ ẹyao riẹ o ro kpo ẹsiẹvo. 48 Rekọ Jesu ọ tẹ ta kẹe nọ: “Ọmọtẹ, ẹrọwọ ra o siwi owhẹ no. Nya kpo tou.”+