12 Fikiere nya obọnana, mẹ te jọ kugbe owhẹ nọ whọ te ta ẹme,* yọ me ti wuhrẹ owhẹ oware nọ whọ rẹ ta.”+

19 Rekọ nọ a tẹ rehọ owhai nya, wha du ruawa oghẹrẹ nọ wha te rọ ta ẹme he hayo ẹme nọ wha rẹ ta ha, keme a te kẹ owhai ẹme nọ wha te ta evaọ auwa yena;+ 20 keme orọnikọ owhai họ enọ e be ta ẹme na ha, rekọ ẹzi Ọsẹ rai ọ be rehọ owhai ta ẹme na.+

11 Nọ a tẹ rehọ owhai ziọ aro ogbotu ahwo,* ahwo egọmeti, gbe aro enọ i wo udu-esuo, wha du ruawa oghẹrẹ nọ wha te rọ ta ẹme he hayo ẹme nọ wha te ta ro gu ẹkẹ-unu rai hi hayo ẹme nọ wha te ta ha,+ 12 keme ẹzi ọfuafo na o ti wuhrẹ owhai evaọ auwa yena eme nọ wha rẹ ta.”+

14 Fikiere, wha gbaemu evaọ udu rai inọ wha rẹ ruẹrẹ oghẹrẹ nọ wha ti ro gu ẹkẹ-unu rai kpahotọ họ,+ 15 keme mẹ te kẹ owhai eme nọ wha te ta gbe areghẹ nọ enọ e be wọso owhai kpobi a te sae zadhe hayo vro ho.+

8 Kẹsena Pita nọ ẹzi ọfuafo ọ vọ oma,+ ọ tẹ ta kẹ ae nọ:

“Whai isu ahwo na gbe ekpako na,

9 Rekọ ezae jọ erọ utu nọ a je se Isinagọgo* Enọ A Si No Igbo na a tẹ nyaze, gbe ahwo Sairini gbe ahwo Alekzandria jọ, gbe ejọ nọ i no obọ Silisia gbe Esia ze re a lele Stivin vro avro. 10 Rekọ a sae rọ oma za areghẹ gbe ẹzi ọfuafo nọ ọ jẹ kpọe ta ẹme he.+