42 Ọ tẹ wariẹ nyavrẹ orọ avọ isiava nyae lẹ, inọ: “Ọsẹ mẹ, otẹrọnọ o rẹ lọhọ re onana o vrẹ omẹ hẹ ajokpanọ mẹ rẹ dae, jọ oreva ra u rugba.”+ 43 Ọ tẹ wariẹ zihe ze je di ae họ owezẹ, keme owezẹ o vọ rai aro. 44 Fikiere ọ tẹ nyase ae ba, ọ tẹ wariẹ nyae lẹ orọ avọ isiasa, be wariẹ ẹme ọvona. 45 Kẹsena o te zihe bru ilele na ze, ọ tẹ ta kẹ ae nọ: “Evaọ oke utionana wha be wezẹ je bi serihọ! Rri! Auwa nọ a ti ro vivie Ọmọ ohwo họ abọ erahaizi o kẹle no. 46 Wha kpama ma nyavrẹ. Rri! Ọnọ o bi vivie omẹ ọ kẹle etenẹ no.”