33 Nọ a te oria nọ a re se Golgota, koyehọ, Oria Ukolo-Uzou,+ 34 a tẹ kẹe enwaene nọ a rehọ oware ọyayare* jọ gua re ọ da;+ rekọ nọ o dhei te unu, ọ rọwo dae he. 35 Nọ a tehe iẹe fihọ ure no, a tẹ ghale iwu ehru riẹ ẹkwoma ẹta nọ a ma,+ 36 a tẹ keria etẹe bi rou rie.* 37 A te je kere uzi nọ a ta nọ ọ thọ fihọ ẹwẹ-akpala jẹ tehe iẹe họ ehru ure na, inọ: “Ọna họ Jesu, Ovie ahwo Ju.”+

33 Nọ a te oria nọ a re se Ukolo-Uzou,+ a tẹ jọ etẹe tehe iẹe fihọ ure na, yọ a tehe igbulegbu na fihọ abotọ riẹ, ọjọ obọze riẹ ọdekọ kọ ẹkpẹlobọ riẹ.+

17 Nọ ọ wọ ure-oja* na, o te kpohọ oria nọ a re se Oria Ukolo-Uzou,+ onọ a rẹ jọ ẹvẹrẹ Hibru se Golgota.+

12 Fikiere, Jesu ọ ruẹ uye evaọ obọ otafe unuẹthẹ okpẹwho na re,+ re ọ ruẹse rọ azẹ obọriẹ ru ahwo na fo.+