4 Nọ oyena o vrẹ no, ẹzi na ọ tẹ kpọ Jesu kpobọ udhude re Ẹdhọ ọ dawo iẹe.+ 2 Nọ ọ siọ emuọriọ ba edẹ udhuvẹ gbe eso udhuvẹ no, ohọo u te je kpei. 3 Ọdawo-Ahwo+ na ọ tẹ nyaze, ọ tẹ ta kẹe nọ: “Otẹrọnọ whẹ yọ ọmọ Ọghẹnẹ, ta kẹ itho nana re i zihe ruọ ikulu ebrẹdi.” 4 Rekọ ọ tẹ kẹ uyo nọ: “A kere nọ: ‘Orọnikọ ẹkwoma ebrẹdi ọvo ohwo ọ rẹ rọ jọ uzuazọ họ, rekọ ẹkwoma ẹme kpobi nọ o bi no unu Jihova* ze.’”+

12 Ababọ oke oraha, ẹzi na o te ru ei kpobọ udhude. 13 Ọ jọ udhude na edẹ udhuvẹ, Setan ọ tẹ jẹ dawo iẹe.+ Erao ẹwọ e jọ udhude na re, rekọ ikọ-odhiwu e jẹ gbodibo kẹe.+