23 Evaọ oke yena, ọzae jọ ọ jọ isinagọgo* rai na nọ ẹzi ogbegbe ọ jọ oma, o te bo nọ: 24 “Eme ma wo kugbe owhẹ, Jesu ohwo Nazarẹt?+ Kọ whọ nyaze te raha omai no? Mẹ riẹ ohwo nọ whọ rrọ dẹẹ, Ọrẹri Ọghẹnẹ!”+ 25 Rekọ Jesu ọ tẹ whọku ei, inọ: “Fibo, re who noi oma ze!” 26 Nọ ẹzi ogbegbe na o ru ọzae na kie ewawa je bo gaga no, o te noi oma. 27 U te gbe ahwo na kpobi unu gaga, a tẹ be ta kẹ ohwohwo nọ: “Kinọ ojọ? Ewuhrẹ ọkpokpọ! Ọ be tubẹ ta họ izi igbegbe obọ dede, yọ a bi yoẹme kẹe.” 28 Fikiere, usi riẹ u te do vẹrẹ vẹrẹ ruọ eria kpobi evaọ ubrotọ Galili soso.