5 “Whọ rẹ rehọ emamọ eflawa iwuwuru ro beki ikulu ebrẹdi ikpegbivẹ nọ a ru wọhọ ẹmẹro. Abava abakpe ifa* a re ro ru ukulu ovuọvo. 6 Who re fi ai họ eko ivẹ evaọ ehru ohwohwo,+ ezeza evaọ ẹko ọvo, evaọ emẹjẹ ọrọ emamọ igoru* na nọ ọ rrọ aro Jihova.+ 7 Who re fi emamọ frankinsẹns* họ ehru ẹko ọvuọvo, o vẹ jọ wọhọ ebrẹdi orọ amabọ jọ idhe*+ nọ a rọ erae mahe kẹ Jihova. 8 Evaọ ẹdẹ Ẹdijala kpobi, ọ rẹ ruẹrẹ iẹe họ aro Jihova kẹse kẹse.+ Onana yọ ọvọ nọ ọ rẹ jọ ribri kugbe ahwo Izrẹl. 9 O rẹ jọ orọ Erọn avọ emezae riẹ,+ yọ a rẹ re iẹe evaọ oria ọrẹri,+ keme onana yọ oware nọ o mae rrọ ọrẹri kẹe nọ u no idhe nọ a rẹ rọ erae mahe kẹ Jihova ze, wọhọ ujaje nọ o rẹ jọ ribri.”