45 Nọ ilori izerẹ na gbe otu Farisi na a yo etadhesẹ riẹ, a riẹ nọ ae omarai ọ be ta kpahe.+ 46 Dede nọ a jẹ gwọlọ epanọ a re ro kru ei,* a dhozọ ogbotu na keme a riẹ nọ a rehọ e riẹ fihọ ọruẹaro.+

3 Kẹsena ilori izerẹ na gbe ekpako ahwo na i te kokohọ ighẹ ozerẹ okpehru na, ọnọ a re se Kayafas,+ 4 a tẹ gba ẹgwae+ epanọ a rẹ rọ rehọ ẹghẹ kru* Jesu, re a je kpei. 5 Rekọ a jẹ ta nọ: “Ma ru ei evaọ etoke ehaa na ha, re o siọ ozighi ba ẹwha ze evaọ udevie ahwo na.”

14 Whaọ, edẹ ivẹ i kiọkọ+ re Ehaa Ọnyavrẹ+ gbe Ehaa Ebrẹdi nọ Ọ Kare Ẹvi+ na i te. Yọ ilori izerẹ na gbe otu ikere-obe na a jẹ gwọlọ edhere nọ a rẹ rọ rehọ ẹghẹ kru* ei re a kpei;+ 2 keme a jẹ ta nọ: “Ma ru ei evaọ etoke ehaa na ha; ahwo na a sai ru ozighi.”

19 Otu ikere-obe na gbe ilori izerẹ na a tẹ gwọlọ epanọ a re ro mu ei evaọ auwa yena, rekọ a dhozọ ahwo na, keme a vuhumu nọ ae omarai o wo họ iroro nọ ọ rọ rehọ ọtadhesẹ na ta ẹme na.+