69 Whaọ, Pita ọ keria obọ otafe evaọ ighẹ na, odibo-ọmọtẹ jọ ọ tẹ nyabru ei ze, ọ tẹ ta nọ: “Whọ jọ kugbe Jesu ohwo Galili na re!”+ 70 Rekọ ọ tẹ vro riẹ evaọ iraro rai kpobi, inọ: “Mẹ riẹ oware nọ whọ be ta kpahe na ha.”

66 Whaọ, nọ Pita ọ jọ obotọ evaọ ighẹ na, odibo-ọmọtẹ ozerẹ okpehru na jọ ọ tẹ nyaze.+ 67 Nọ ọ ruẹ Pita nọ ọ be rria erae, o te rri rie ovao, ọ tẹ ta nọ: “Whọ jọ kugbe Jesu nana re, ohwo Nazarẹt na.” 68 Rekọ ọ tẹ vro riẹ inọ: “Mẹ riẹ ohwo nana ha yọ mẹ riẹ oware nọ whọ be ta na ha,” ọ tẹ nya kpohọ ubrobọ unuighẹ na.

55 Nọ a koko erae họ udevie ighẹ na jẹ keria kokohọ, Pita ọ keria kugbe ai.+ 56 Rekọ nọ odibo-ọmọtẹ jọ ọ ruẹ e riẹ nọ ọ keria oria nọ elo erae na o bi jo lo mu ei, o te rri rie ziezi, ọ tẹ ta nọ: “Ọzae nana ọ jọ kugbei re.” 57 Rekọ ọ tẹ vro riẹ, ta nọ: “Aye na, mẹ riẹ ohwo yena ha.”

25 Whaọ Saemọn Pita o dikihẹ etẹe jẹ rria erae. A tẹ nọe nọ: “Thakpinọ whẹ yọ omọvo ilele riẹ ha?” Ọ tẹ vro riẹ, inọ: “Mẹ yọ omọvo rai hi.”+