7 Rekọ, ma wo efe nana+ evaọ ekwakwa nọ a rọ ẹkpẹ ma,*+ re u dhesẹ via nọ Ọghẹnẹ họ ọnọ ọ be kẹ omai ogaga nọ u vi ogaga orọnikọ obọmai u bi no ze he.+

9 Rekọ ọ ta kẹ omẹ nọ: “Uwowou ulogbo nọ me dhesẹ kẹ owhẹ u te, keme evaọ oma enọ e ga ha ogaga mẹ u re jo dhesẹ oma via vọvọ.”+ Fikiere avọ evawere, mẹ rẹ rọ eware nọ mẹ jọ ga ha seha, re ogaga Kristi o ruẹsi ruru omẹ wọhọ uwou-udhu. 10 Fikiere oma o rẹ were omẹ okenọ mẹ ga ha, nọ a tẹ be poviẹ omẹ, nọ eware e tẹ rrọ omẹ oma gaga, nọ ukpokpoma gbe ebẹbẹ i te te omẹ fiki Kristi. Keme okenọ mẹ ga ha, ẹsiẹe me re wo ogaga.+