Ilezi

Wha so ole ọkpokpọ kẹ Jihova;+

Wha jiri ei evaọ ukoko enọ i bi yoẹme kẹe.+

 2 Jọ Izrẹl ọ ghọghọ fiki Ọmemama Oride riẹ;+

Jọ emezae Zayọn a ghọghọ fiki Ovie rai.

 3 Jọ a jiri odẹ riẹ avọ ile-igbe+

Jẹ so ile ujiro* kẹe, avọ ojẹjẹ gbe akpata nọ a bi kporo.+

 5 Jọ enọ i bi yoẹme kẹe a ghọghọ keme ọ whẹ orro họ ae oma;

Jọ a bo ubo oghọghọ evaọ ehru ehwa rai.+

 6 Jọ ile nọ a re ro jiri Ọghẹnẹ e jọ edhuru rai,

Re ọgbọdọ akọava ọ jẹ jọ obọ rai,

 7 Onọ a re ro ru erẹwho na kele

Jẹ kẹ ahwo na uye,

 8 Re a rọ egbregba kare ivie rai

Jẹ rehọ egbregba ayọno kare ikpahwo rai,

 9 Re a ru ai oware nọ a bruoziẹ riẹ kpe ai na, onọ a kere fihotọ.+