Ilezi
Olẹ Devidi.
17 Yo olẹ mẹ nọ mẹ be lẹ kẹ uvioziẹ, O Jihova;
Kezọ kẹ oviẹ mẹ rọkẹ obufihọ;
Gaviezọ kẹ olẹ mẹ nọ o kare eviẹhọ.+
2 Ivie bru uvioziẹ kẹ omẹ;+
Jọ ibiaro ra e ruẹ oware nọ u kiehọ.
3 Whọ kiẹ udu mẹ riwi no, whọ kiẹ omẹ riwi evaọ aso;+
Who ru omẹ fo no;+
Makọ evaọ obaro, whọ te ruẹ nọ mẹ ma omaa uyoma ovuovo ho,
Yọ mẹ rehọ unu mẹ raha uzi hi.
4 Rọ kpahe eware nọ ahwo a bi ru,
Fikinọ me bi ru lele ẹme nọ o no unu ra ze, mẹ be kẹnoma kẹ uruemu uji.+
6 Me bi bo se owhẹ, keme who ti yo kẹ omẹ,+ O Ọghẹnẹ.
Fi ezọ ra hotọ* kẹ omẹ. Yo eme nọ mẹ be ta.+
7 Dhesẹ uyoyou ra nọ o rẹ hiẹ hẹ evaọ edhere igbunu,+
O, Osiwi enọ e dhẹ ziọ obọze riẹ re a ruẹse zọ
Rono obọ enọ e wọso owhẹ.
9 Thọ omẹ no obọ ahwo omuomu nọ e be họre omẹ,
10 Udu rai u re brukpe ai hi;*
A be rọ unu rai ta eme omoya;
11 Obọnana a bi keke omai ba;+
A bi rri gwọlọ uvẹ nọ a re ro si uye se omai.*
12 Ọ wọhọ okpohrokpo nọ oma o be kpakpa re ọ za arao ekekẹ,
Wọhọ okpohrokpo ọgaga nọ o dhere be hẹrẹ.