Orọ Ọsosuọ Ro Se Ahwo Kọrint

8 Whaọ kpahe emu nọ a ro dhe idhe kẹ emedhọ:+ Ma riẹ nọ mai kpobi ma wo eriariẹ.+ Eriariẹ i re ru ohwo fu uke, rekọ uyoyou o rẹ bọ ohwo ga.+ 2 Otẹrọnọ ohwo jọ o bi roro nọ ọ riẹ oware jọ, ọ re riẹe ziezi te epanọ u fo nọ ọ rẹ riẹe he. 3 Rekọ ohwo jọ o te you Ọghẹnẹ, ọ riẹ ohwo nana.

4 Whaọ kpahe ẹriọ emu nọ a ro dhe idhe kẹ emedhọ, ma riẹ nọ ẹmẹdhọ yọ oware ovuovo evaọ akpọ na ha,+ gbe inọ Ọghẹnẹ ọvo ọ rrọ.+ 5 Keme dede nọ ejọ e riẹ nọ a bi se eghẹnẹ, makọ evaọ obọ odhiwu hayo evaọ otọakpọ,+ wọhọ epanọ “eghẹnẹ” buobu gbe “ilori” buobu e riẹ na, 6 rọkẹ omai, Ọghẹnẹ ọvo ọ rrọ,+ Ọsẹ na,+ ọnọ eware kpobi i no obọ riẹ ze, yọ ọye ma rrọ kẹ;+ yọ Olori ọvo ọ rrọ, Jesu Kristi, ọnọ eware kpobi e rọ ẹkwoma riẹ rrọ,+ yọ ẹkwoma riẹ ma rọ rrọ re.

7 Ghele na, orọnikọ ahwo kpobi a wo eriariẹ nana ha.+ Rekọ ejọ, fikinọ a jẹ gọ emedhọ vẹre, a re rri emu nọ a be re wọhọ oware nọ a ro dhe idhe kẹ ẹmẹdhọ,+ yọ fikinọ obruoziẹ-iroro rai ọ ga ha, o ve brukpe ai.*+ 8 Rekọ emu o re si omai kẹle Ọghẹnẹ hẹ;+ u re ru omai yoma vi epaọ ọsosuọ họ nọ ma gbẹ re he, yọ u re ru omai woma vi epaọ ọsosuọ họ nọ ma tẹ re.+ 9 Rekọ wha yọroma re udu nọ wha rẹ rọ salọ onọ u je owhai na o gbẹ jọ utho ezoruẹ kẹ enọ e ga ha ha.+ 10 Keme otẹrọnọ ohwo jọ ọ ruẹ owhẹ nọ who wo eriariẹ nọ ọ be re emu evaọ etẹmpol emedhọ, kọ o gbẹ te kẹ ohwo yena nọ obruoziẹ-iroro riẹ ọ ga ha na udu te epanọ ọ rẹ rọ re emu nọ a ro dhe idhe kẹ emedhọ? 11 Fikiere eriariẹ ra e tẹ be wha ọraha se ohwo nọ ọ ga ha na, oniọvo ra nọ Kristi ọ rọ fiki riẹ whu.+ 12 Nọ whọ tẹ be raha uzi wọso inievo ra, be nwa obruoziẹ-iroro rai nọ ọ ga ha oma,+ whọ be raha uzi wọso Kristi. 13 Fikiere, otẹrọnọ emu o re ru oniọvo mẹ zoruẹ, mẹ rẹ gbẹ re arao ofa ha, re me gbe ru oniọvo mẹ zoruẹ hẹ.+