Ilezi
135 Wha jiri Jah!*
Wha jiri odẹ Jihova;
Wha jiri ei, whai idibo Jihova,+
2 Whai enọ i dikihẹ uwou Jihova,
Evaọ ighẹ uwou Ọghẹnẹ mai.+
3 Wha jiri Jah, keme Jihova o woma.+
Wha so ile jiri* odẹ riẹ, keme o rẹ were oma.
6 Jihova o re ru oware kpobi nọ o were riẹ+
Evaọ obọ odhiwu gbe otọakpọ, evaọ ebade gbe eria ididi na kpobi.
8 O kpe emọ ọsosuọ Ijipti
Te erọ ahwo te erọ erao.+
10 Ọ raha erẹwho buobu no+
Je kpe ivie egaga,+
11 O kpe Saehọn ovie Ahwo Amọ,+
Ọg ovie Beshan,+
Jẹ raha ekwotọ-ivie Kenan kpobi.
12 Ọ rehọ otọ rai kẹ omai re ma rọ reuku,
Re o jọ ukuoriọ Izrẹl, ahwo riẹ.+
13 O Jihova, odẹ ra o rẹ jọ bẹdẹ bẹdẹ.
O Jihova, odẹ* ra u re do evaọ ige na kpobi.+
15 Isiliva gbe igoru a ro ru emedhọ erẹwho na,
Iruo abọ ahwo-akpọ.+
16 A wo unu, rekọ a rẹ sae ta ẹme he;+
A wo ibiaro, rekọ a rẹ sae ruẹ ude he;
17 A wo ezọ, rekọ a rẹ sai yo ẹme he.
Ẹwẹ ọvo ọ rrọ ighogho-inwe* rai hi.+
19 O whai uwou Izrẹl, wha jiri Jihova.
O whai uwou Erọn, wha jiri Jihova.
20 O whai uwou Livae, wha jiri Jihova.+
Whai enọ e be dhozọ Jihova, wha jiri Jihova.
Jiri Jah!+