Job
28 “U wo oria nọ a rẹ jọ tọ isiliva
Gbe oria nọ a rẹ jọ ruẹ igoru nọ ahwo a re ru fo na;+
2 Otọ a rẹ rehọ ayọno no ze,
3 Ohwo-akpọ ọ be ruọ eva ebi;
Ọ be gwọlọ te oka evaọ oria ebi gbe okpa ebi,
Be gwọlọ itho nọ a rẹ rehọ ekwakwa eghaghae no ze.*
4 Ọ rẹ tọ eghogho thabọ no oria nọ ahwo a be rria,
Eria nọ e thọrọ ẹro no, nọ i thabọ no oria nọ ahwo a rẹ nya;
Ahwo jọ a re kpobọ otọ a vẹ jọ oria* nọ a re jo veghe.
5 Ekakọ nọ a rẹ rọ kuọ oma e rẹ dhẹ fihọ otọakpọ na;
Rekọ evaọ obotọ, ẹvohẹ ọ rrọ obei wọhọ ẹsenọ a tu erae họ iẹe.*
6 Safaya ọ rrọ eva itho na,
Yọ igoru ọ rrọ eva ẹkpẹ na.
7 Ọvra ọvuọvo nọ o re mu erao ọ riẹ edhere nọ a re ro kpohọ obei hi;
Ubiẹro ẹgodi obiebi o re ruẹ e riẹ hẹ.
8 Erao imuozọ evuevo e re nya etẹe vrẹ hẹ;
Okpohrokpo ọgaga ọ re kuẹlẹ te etẹe he.
9 Ohwo-akpọ ọ be rọ obọ riẹ kpe utho ọgaga;
Ọ be tọ igbehru na vurie evaọ obọ otọhotọ rai.
10 O bi bru ito ame+ fihọ eva utho na;
Ibiaro riẹ e be ruẹ okwakwa oghaghae kpobi.
11 O bi di eria nọ ame ethẹ o bi no ze
Ọ tẹ be rehọ eware nọ a ko dhere lahwe.
13 Ohwo ọvo ọ riẹ epanọ o ghare te he,+
Yọ a rẹ sae jọ ẹkwotọ enọ e rrọ uzuazọ ruẹ e riẹ hẹ.
14 Ame odidi ọ ta nọ, ‘Ọ rrọ eva mẹ hẹ!’
Yọ abade na ọ ta nọ, ‘Ọ rrọ obonẹ hẹ!’+
15 A rẹ sae rehọ emamọ igoru dẹe he;
Yọ a rẹ sae wawọ isiliva ro nwene iei hi.+
16 A rẹ sae rehọ igoru Ofaya+ dẹe he
Hayo oniks nọ a rẹ kake ruẹ hẹ na, gbe safaya.
18 A re tube du fodẹ ikoral* gbe kristal* ha,+
Keme ẹkpa nọ ọ vọ avọ areghẹ ọ ghare vi ọnọ ọ vọ avọ izuu.
19 A rẹ sae rọ utho topaz+ obọ Kush wawo iẹe he;
A rẹ sae tubẹ rehọ emamọ igoru dẹe he.
20 Rekọ bovẹ areghẹ o re no ze,
Diẹse otoriẹ u re no ze?+
22 Ọraha avọ uwhu a ta nọ,
‘Ezọ mai ọvo ma ro yo kpahe iẹe.’
23 Ọghẹnẹ ọ riẹ edhere nọ a rẹ rọ ruẹ e riẹ;
Ọye ọvo ọ riẹ oria nọ o be rria,+
24 Keme o re rri te obọ oka avọ oka otọakpọ na,
Yọ ọ rẹ ruẹ oware kpobi nọ o rrọ otọ idhiwu na.+
26 Okenọ o fi uzi họ kẹ oso+
Je ru edhere kẹ ẹgho nọ egbrara avọ okposo i re no ze,+
27 Ọ tẹ ruẹ areghẹ je dhesẹ oghẹrẹ nọ o rrọ via;
O ru rie dikihẹ jẹ dawo iẹe.
28 Ọ tẹ ta kẹ ohwo-akpọ nọ: